21 мамыр күні Жамбыл – «Өрлеу»  тренері Назира Абдикеримова  өзін-өзі тану  пәні мұғалімдеріне арналған  «Қашықтан оқыту жағдайында «Өзін-өзі тану» пәнін оқытуды ұйымдастырудың ерекшеліктері: мәселе, шешу жолдары» тақырыбында on-line режимде   семинар өткізді.

Іс-шара өзін-өзі тану пәні мұғалімдері үшін қашықтан оқыту жағдайында  «Өзін-өзі тану» пәнінен жобалау жұмысы мен  бағалауды ұйымдастырудың тиімді жолдарын қарастыру мақсатында ұйымдастырылды.

Семинар жұмысы барысында «Өзін-өзі тану» пәні бойынша жобалау жұмысын ұйымдастыруды  жетілдіру жолдары;   қорытынды сабақтарды ұйымдастыру арқылы оқушылардың жұмысын бағалаудың маңыздылығы; қашықтан оқыту жағдайында  тиімді оқу платформаларын пайдалану мүмкіндіктері сияқты мәселелер талқыланды. Аталған іс-шараға Жамбыл, Қостанай, Павлодар облыстары мен Нұр-Сұлтан қаласынан  өзін-өзі тану пәні мұғалімдері қатысып, семинарда қарастырылған негізгі мәселелер бойынша өзара пікір алмасып, тәжірибелерімен бөлісті.

 Семинар жұмысы өте жоғары деңгейде өтті, барлық қатысушылар ұйымдастырушыларға алғысын білдіріп, алдағы уақыттарда да бірлескен әрекетте жұмыс жасаймыз деп аяқтады.

Шынар Коянбаева, PR SMM-маманы

20 мамыр күні  Меркі, Т.Рысқұлов, Байзақ, Мойынқұм, Жамбыл  аудандары мен Тараз қаласының педагогтеріне  қашықтықтан әдістемелік десант ұйымдастырылды.

«Өрлеу» - Жамбыл институтының ұйымдастырумен  мектепке дейінгі тәрбиелеу және инклюзивті білім беру кафедрасының аға оқытушысы Андия Беисенкулова бастауыш сынып мұғалімдері үшін IV тоқсандағы бөлім бойынша және тоқсандық жиынтық бағалаудың мәселелері бойынша кеңес беру, түсіндіру жұмыстарын ұсынды.

Қазіргі уақыттағы орын алған жағдайға байланысты әр аудандан бас қосып отырған педагогтер, бастауыш сыныптың пәндері бойынша қашықтықтан жүргізіліп жатқан жұмыс барысында бөлім бойынша және тоқсандық жиынтық бағалау тапсырмаларының ерекшелігіне тоқталып, білім алушылармен жұмыс барысындағы қиындықтарының шешімі туралы пікір алмасты.

«Сұрақтар тақтасы» әдісінде ұйымдастырылған іс-шара мұғалімдердің педагогикалық іс-әрекетінде мазалаған сұрақтардың жауабын анықтауға көмектесті.

Онлайн кездесу педагогикалық қызметтегі мәселелерді шешу, сабақты жоспарлау мен бағалау процедурасындағы дағдыларды жетілдіру үшін алғыс сөздерімен аяқталды.

Несипкул Курмашева,  МДТжИББ кафедрасының аға оқытушысы

20 мамыр күні Жамбыл – «Өрлеу» институтының білім беру процесін психологиялық-педагогикалық сүйемелдеу кафедрасының апталығы аясында кафедра тренерлері Биби Скакованың жүргізуімен «Шағын жинақты мекепте денсаулықты сақтау ортасын дамыту» тақырыбында орта білім беру ұйымдарының педагогтеріне арналған тренинг, Жанар Кошкимбаеваның жүргізуімен орта білім беру ұйымдарының химия, биология пәндері мұғалімдеріне арналған «Б.Блум таксономиясы - химия мен биология бойынша оқу жетістіктерін критериалды бағалау әдістемесі» тақырыбында онлайн дәріс және Жұлдыз Колбаеваның жүргізуімен қазақ тілі және әдебиеті пәні мұғалімдеріне арналған «Сын тұрғысынан ойлау технологиясы және оның оқу үдерісіндегі рөлі» тақырыбында шеберлік сыныбын өткізді.

Педагогтерді әдістемелік қолдау мақсатында ұйымдастырылған іс-шараларда білім беру процесінің өзекті мәселелері, шағын жинақты мектептердің өзіндік ерекшеліктері, оқу үдерісіндегі сын тұрғысынан ойлау технологиясының маңызы және оқушылардың сыни ойлау дағдыларын дамыту жолдары, химия, биология пәндерін оқытуда Блум таксономиясы бойынша тапсырмаларды жобалау, оқушының функционалдық сауаттылығын дамытуда Блум таксономиясы бойынша құрастырылған тапсырмалардың  маңызы талқыланды.

Тайтөлеу Бегаулов, PR SMM-маманы

Жамбыл - «Өрлеу» біліктілікті арттыру Институтының еріктілер тобы «Біз біргеміз!» акциясы аясындағы қайырымдылық шаралар жалғастыруда.

Акция аясында көп балалы жанұяға қажетті заттар мен азық-түлік жеткізіліп берілді.  Бұл көмекті мұқтаж жанұя шын ықыласымен қабыл алды. Өмірлік қиын жағдайға тап болған жас отбасы алты баланы тәрбиелеп, өсіріп отыр. Жамбыл – «Өрлеумен» бірге ТОО «Радуга-Әлем» ЖШС директоры Уали Шаймерденов те көмек көрсетті. 

Жас жанұя «Біз біргеміз!» акциясы аясында көмек көрсетіп отырған еріктілердің барлығына ризашылықтарын жеткізуді өтінді.

Тараз қаласындағы оқшаулану жағдайына қарамастан, ұжым мұқтаж жандарға әрқашан қол ұшын беруге дайын. Осының барлығы Қазақстан азаматтары, біздер, біргеміз және кез келген сәтте көмек беруге дайын екендігіміздің айғағы.

#біз_біргеміз

Баян Муртазаева,

курстан кейінгі қолдау жәнеинновацияларды енгізу зертханасының меңгерушісі

Жамбыл – «Өрлеу» объявляет о проведении следующих краткосрочных 80-часовые онлайн курсы повышения квалификации с 25.05 по 05.06.2020 г.

Жамбыл- «Өрлеу»  25.05-05.06.2020ж. аралығында келесі қысқа мерзімді 80 сағаттық онлайн біліктілікті арттыру  курстардың өтетіндігі туралы хабарлайды.